J-Морс

[наталька]

У "J-Морс" у кастрычніку выходзіць беларускамоўны альбом!!!!
http://www.jmors.by/forum/viewtopic.php?id=450

Пачытала морсаўскі сайт і са здзіўленьнем даведалася, што гітарыст Раман Арлоў -- сын Уладзіміра Арлова. Ён яшчэ і словы да песень піша, канешне, па-беларуску.

[Alenka]

Выцемка:

Пачытала морсаўскі сайт і са здзіўленьнем даведалася, што гітарыст Раман Арлоў -- сын Уладзіміра Арлова.

Раман Арлоў 2 ці 3 курсы адвучыўся ў МДзЛУ ў адной групе з маім мужам, таму пра гэта я даўно ведала. І быў тады Раман расейскамоўным, нягледзячы на вучобу на беларускім аддзяленьні.

[LaVita]

Другі сын Арлова таксама даволі актыўны.

[наталька]

Палазіла яшчэ па сайце. Народ абмяркоўвае, якая песьня найлепшая з альбому "БПМ". Адсоткаў 50 кажуць, што "Сонца сьмяецца". І мая ўлюбёная таксама. Словы Арлова. Сьпяваюць Пугач і Лісіцкая. Запісала на слых.
-- Мілы мой, ты прайшоў сто дарог...
-- Без адной, мілая, той што разам з табой.
-- Мілы мой, я заўсёды з табой, я – твая!
-- Ведаю я!
-- Не стаяла на мейсцы жыцьцё, пакуль я чакала.
-- Мілая, я маланкай ляцеў да цябе!
-- Я зьмянілася, любы, я іншаю стала!
-- Так ці не? Так ці не?
-- Безь цябе не хачу, не магу, не умею!
Бачыш -- сонца сьмяецца, а вецер мацнее,
Не кажы: Так ці не! Я ўсё разумею!

-- Азірніся назад і ўсьміхніся.
-- Кім я быў да цябе?
-- Да цябе кім была?
-- Улева, управа, уперад, назад, уверсе і ўнізе...
-- Я – твой!
-- Я – твая!
-- Безь цябе не хачу, не магу, не умею!
Бачыш -- сонца сьмяецца, а вецер мацнее,
Не кажы: Так ці не! Я ўсё разумею!

[Kryscina]

Выцемка:

быў тады Раман расейскамоўным

і застаўся

Не люблю гэты гурт за няшчырасць. За ганебны выступ у Горадні, дзе яны не здолелі праспяваць ніводнага куплету са сваіх "беларускамоўных" песняў, за жаданне прагнуцца і дагадзіць нашым і вашым...

Выбачайце, фанаты

[Alenka]

Выцемка:

Не люблю гэты гурт за няшчырасць.

+1.

[наталька]

Выцемка:

За ганебны выступ у Горадні, дзе яны не здолелі праспяваць ніводнага куплету са сваіх "беларускамоўных" песняў,

Дзіўна, дзіўна, я, канешне, гэтага выступу ня чула, але нешта не разумею, як гэта можна ня ведаць слоў, калі сьпяваеш песьню разоў 100?

Выцемка:

за жаданне прагнуцца і дагадзіць нашым і вашым...

Гэта ты на Рок-каранацыю намякаеш? А я чула (можа гэта канешне і плёткі), што хлапцам забаранялі канцэрты за тое, што яны адмаўляліся сьпяваць "ЗА Беларусь". І калі хтосьці і мае права пагарджаць, то гэта Лявон Вольскі&Co. Але вось ён, чамусьці, абараніў нашых гора-сьпевакоў-забеларусаў, калі народ патрабаваў забараніць ім выезд у ЕС. Наогул, хочацца дажыць да тых часоў, калі музыкі будуць мець магчымасьць займацца творчасьцю нягледзячы на палітыку!!!

[stasia]

Kryscina, а мне саліст нечым твайго мужа нагадвае, калі яны выступалі перад Акіянам Эльзы, то ніяк не магла пазбавіцца ад гэтай думкі...
а яшчэ яны мне не падабаюцца за тое, што ў іх усё сыходзіць на адзін матыў,таму што салісту няблага даюцца пэўныя віражы.

[Kryscina]

Выцемка:

Дзіўна, дзіўна, я, канешне, гэтага выступу ня чула, але нешта не разумею, як гэта можна ня ведаць слоў, калі сьпяваеш песьню разоў 100?

калі спяваеш яе 100 разоў па-расейску і адзін раз у студыі для запісу, з паперкі - па-беларуску.

Беларускія спевы для іх - не больш як спроба дыверсіфікацыі і заняцця незанятай нішы беларускай папсы для адукаваных гараджанаў. Элементарны дадатковы спосаб паднакасіць бабла, на жаль. Таму за беларускасць іх любіць не выпадае, бо яе няма. За нешта яшчэ? - я не прыхільніца мужчынскіх шчымлівых рыфмаванак і красуноў на сцэне. Для мяне музыка - гэта калі немагчыма змаўчаць. У іхнім выпадку змаўчаць лёгка.
Яшчэ раз выбачаюся перад фанатамі.
Люблю рок, магу пад настрой слухаць рэгі і джаз, паважаю фолк і класіку. Грэбую папсой. Так склалася, я з-за гэтага нават у падлеткавым узросце на дыскатэкі не хадзіла

[наталька]

Выцемка:

быў тады Раман расейскамоўным

Як пісала ў іншым форуме julcik, невядома на якой мове будуць размаўляць нашыя дзеці, калі вырастуць. А песьні Раман піша па-беларуску.

Я наогул лічу, калі такая супер-папулярная група сьпявае па-беларуску, то беларускамоўныя мусяць дзякуй сказаць, а не пагарджаць, бо гэта супер-падтрымка беларускай мовы. Песьні ў іх файныя! Гэта не лубок нейкі! І нам на руку, каб на радыё было як мага больш беларускамоўных песень!!!

[наталька]

Вой, колькі вы панапісваць пасьпелі.
Kryscina, а ты іх акрамя Горадні чула? А то мне здаецца, што ты адзін раз іх пачула і склала пра іх адмоўнае меркаваньне.

Каб чыясьці незнаёмая музыка пачала падабацца, трэба праслухаць альбом прынамсі 2-3 разы.

[Volha]

stasia пісаў(-ла):

Kryscina, а мне саліст нечым твайго мужа нагадвае

Угу, ёсць такое. )))

[наталька]

Выцемка:

Беларускія спевы для іх - не больш як спроба дыверсіфікацыі і заняцця незанятай нішы беларускай папсы для адукаваных гараджанаў. Элементарны дадатковы спосаб паднакасіць бабла, на жаль. Таму за беларускасць іх любіць не выпадае, бо яе няма.

J-Морс -- гэта рок-група. Можа і папсовая, але і папса розных гатункаў бывае!!! Што людзі сваёю працаю грошы зарабляюць, то так і мусіць быць, але ці зарабляюць, пытаньне... Вось выйдзе беларускамоўны альбом, я табе падару. Можа і знойдзеш у іх беларускасьць. А то пакуль твае словы нагадваюць: не чітал, но осуждаю!

[наталька]

Выцемка:

я не прыхільніца мужчынскіх шчымлівых рыфмаванак і красуноў на сцэне.

Гэта ты пра мой запіс, дык гэтую песьню слухаць трэба, а не словы чытаць.
І красуном бы я яго не назвала. Звычайны хлопец. Гэта ж не размаляваны Калдун.

[Kryscina]

Выцемка:

Гэта ты пра мой запіс?

не. Я слухала ўсё, што ў іх ёсць. Некалькі разоў нават на канцэртах вымушаная была.
але ж у нас дыспут на тэму "пра густы не спрачаюцца" атрымліваецца. Спрабую давесці, што героямі беларушчыны іх назваць нельга. А астатнее - каму што падабаецца, у каго які стыль і рытм жыцця і светаўспрыманне... Я за разнастайнасць.

З.ы. А вось Калдуна прыгожым не лічу