Дзень добры... Мы тут упершыню

[fasolinka]

Добры дзень. Адразу хачу папрасiць прабачэння за маю мову -- ведаю я яе не вельмi добра пакуль што (( Але такое жаданне ёсць. Прымiце да вашай кампанii?
Мяне завуць Iра, мне 29 год, у меня ёсць сям`я -- муж и дачка Яугенiя (1,10). I я, i муж -- журналiсты, але я зараз сiджу дома з дзiцяцi i талковай працы не маю. На адным з беларускiх форумау (прашу прабачэння за у кароткае -- не выбiвае на клаве) пазнаёмiлася з pink_by, якая (Вольга, дзякуй) и дала мне спасылку на гэты форум. Шмат часу не заходзiла сюды, потым заходзiла, але не пiсала, а толькi крыху чытала. Вось толькi зараз вырашылася. Спадзяюся, што у наступным годзе пойдзе наша дачка у садок - у беларускамоуную групу. Нечакана такое рашэнне прыйшло да нас с мужам, але мы зараз, усе абдумаушы, вельмi iм задаволены. Муж навогул добра ведае родную мову, я -- не вельмi. Калi чытаю беларускую лiтаратуру, то хутка пачынаю, хоць i з якiмi-нiякiмi памылкамi, пачынаю размауляць па-беларуску. Калi доугi час слухаю рускамоуных бацькоу i сяброу, то вазвяртаюся да рускай мовы. Нажаль, шмат навiн у iнтэрнэце, а таксата тэлебачанне амаль усе на расейскай мове. I прыходзiцца увесь час быць пiльнай да самой сябе.
Так можна да вас далучыцца?
П.С. Яшчэ раз прашу прабачэнне за памылкi

[pink_by]

хех крута. далучайся.

[julcik]

Прывітаньне!
Вядома, далучайцеся, нам вельмі прыемна.

[Vola]

fasolinka,

[Kryscina]

fasolinka, вітаю!
Па якой тэматыцы Вы спецыялізуецеся як журналістка?

[fasolinka]

дзякуй!
мне вельмi приемна
Kryscina, моя спецыялiзацыя -- спорт ) Рабiла як спартыуны журналiст i у газетах, i на тэлебачаннi.

[mama Halja]

fasolinka, шчыра вітаем! Я, дарэчы фізычна адчуваю, што мая мова паляпшаецца, дзякуючы гэтаму форуму, асабліва лексіка. Вы зрабілі цудоўны крок, што далучыліся!

А ў мяне сыну 1г і 11 мес!!! Дарэчы, як Ваша Яўгенія - размаўляе крыху? Наш Даніла нешта зусім слабавата. Словы нейкія спрабуе сказаць і вельмі рэдка сказы накшталт 'Папа шшшшш' (Паўлінка сьпіць) ці 'дай, дай няма!!' (есьці просіць), а ў асноўным нейкія а-о-у мыканьне. Але мы моцна не сумуем, бо Паўлінка ў нас не хутка пачала размаўляць.

[fasolinka]

mama Halja, i мы такiя ж ) Мало чаго гаварыць, больш сама з сабой размауляе, не зразумела аб чым ) Мне няма з кiм парауновываць (дзетка першая), але не вельмi добра сабе адчуваю, калi чую, што нашы аднагодкi ужо поунымi сказамi размауляюць... Спадзяюся, што i мы хутка пачнем.

Наконт мовы... У меня сям`я рускамоуная. Не магу сказаць, што у школе цi ва унiверсiтэце мне вельмi падабалiся беларуская мова, лiтаратура i гiсторыя. Не... Нават наадварот. Ангельская мова падабалась лепш. Просто не задумвалася аб радзiме, мове i аб iншых важных рэчах. Да усяго гэтага мяне прывёу мой муж, з якiм мы часа размауляем аб нашай краiне, аб гiсторыi нашых сем`яу i усёй Беларусi, абмяркоувыем шматлiкiя навiны, якiя праходзяць праз нашыя рукi. Нават марым напiсаць некалi кнiгу аб гiстарычных падзеях у Беларусi i выдатных людзях нашай краiны. Спадзяюся, што з вашай дапамогай наша сям`я стане па-сапрауднаму беларускамоунай... )

[LaVita]

Я замілаваная.
fasolinka, нармальная мова. Не камплексуй і не прасі штораз прабачэньня.

[fasolinka]

LaVita, дзякуй

[Kotka]

fasolinka, вітаем. Добра, што вы далучыліся. А не памыляецца толькі той, хто нічога ня робіць.

[Volha]

fasolinka,
Вітаю.
У які садок плануеце? І ўвогуле, дзе жывеце? )))

[fasolinka]

Kotka, сапрауды )

Volha, збiраемся у наступным годзе у 314-ы садок. А жывем у Зялёныи Лузе, на вулiцы Мiрашнiчэнка. Аднак хату здымаем, таму цяжка уявiць сябе, дзе можам квартавацца праз год цi праз тры гады

[Palina007]

fasolinka, вельмі прыемна!
Мы ўсе з чагосьці пачыналі. А пакуль дзіця малое, з ім лягчэй засвоіць беларускую мову. І белмоўны садок - цудоўная ідэя!

[Alina]

fasolinka,
а зрабіце, калі ласка, лінеечку з узростам сваёй дачушкі. так людзі, у якіх дзеткі такога ж узросту, будуць адразу вас бачыць, без заходу ў гэтую тэмку.