Новы сэрвіс пошуку сяброў

[julcik]

Шаноўныя сябры,
сайт "Нашыя дзеткі" анансуе новы сэрвіс - пошук сяброў для супольных прагулак.

Няма з кім паразмаўляць ў пясочні? А можа на суседняй з вамі вуліцы жыве цікавая беларускамоўная сям'я, а вы пра гэта не ведаеце?

Абярыце тыя раёны гораду, дзе вы часта бываеце і знайдзіце карыстальнікаў, якія таксама там бываюць.
Зрабіць гэта можна праз кнопку ў пашпарце, альбо па наступнай спасылцы Дзе Вы бываеце?

Пакуль сэрвіс працуе толькі для Мінску. потым мы пашырымся і ў іншыя населеныя пункты

Пытанні і прапановы пішыце ў гэтай галінцы.

[rasiczka]

ну вось, я пазначыла ажно тры месцы, але там ніхто не бывае

у мяне прапанова дадаць плошчу Незалежнасці: там файныя фантаны, ля касцёла ёсць цмок, якога можна пагладзіць, у "Маэстра" мы паспяваем выпіць хто кефір, хто каву да таго, як у некаторых завядзецца маторчык... ну, і мы там бываем

[rasiczka]

ледзь не забылася: і заапарк!

[Ptyz]

Галоўны недахоп гэтай новай фічы ў тым, што раёны завялікія (я нават пазнаў сайт на літару R, адкуль іх копіпэйстнулі ), але radius-search няма, і ў такоі імплементацыі прыкруціць будзе немагчыма. А бяз radius-search фармальная разьбіўка на раёны не заўсёды будзе даваць дакладныя вынікі. Напрыклад, вул. Сядых для мяне суседняя, але пошук мне нікога зь яе не пакажа, бо яна фармальна знаходзіцца ў іншым раёне.

[rasiczka]

Ptyz, а заапарк для вас не суседні?

[Kryscina]

Ptyz, сыходзілі з таго, што такая разбіўка - ужо традыцыйная, не патрабуе дадатковых тлумачэнняў, бо так людзі шукаюць кватэры, выклікаюць таксоўкі і г.д. Даваць поўны спіс усіх вуліцаў - не рэальна.
Заўсёды можна пазначыць свой і суседні раёны - гэта не абавязвае вас гуляць там штодня.
Мяне азадачыла іншае: я пазначыла 8 раёнаў, у нейкіх з іх гуляюць 7 удзельнікаў форуму. І як даведацца, хто дзе?

[Natallia]

Ой, якая цудоўная ідэя! Хутчэй да Гродна, калі ласка, дабярыцеся! А то я ў асобнай тэме шукала-шукала, хто тут з Грдна, але ніхто і не адгукнуўся... Ведаю, што я не адзіная, так што буду чакаць!!! Чытаю на форуме, што ў Менску і ў садках беларускія групы набіраюцца, і класы ў школах... І зайздрасна. У гэтым годзе тут - ні воднага класу. Сумна. Спадзяюся пачаць знаёмствы з пясочніцы, можа да школы клас і назбіраем!

[LaVita]

Natallia, звярніцеся да algunia.

[Alina]

хм... згодная з Ptyz, сэрвіс ня надта каб дасягаў мэты, асабліва калі народ пазначае па 5 месцаў, улучна з заапаркам, які яны наведваюць раз на месяц. Мне падаецца, сэрвіс мусіць дапамагчы знайсці суседзяў, у першую чаргу.
Разумею нежадання некаторых пазначаць дакладную адрэсу (тыпа вуліца + нумар дома).
А ці магчыма зрабіць нешта кшталту мапы, куды людзі змогуць заносць свае адрэсы (не бачна для іншых карыстальнікаў), і атрымліваць сапраўды такі сабе кружок на мапе, з нікамі тых хто жыве побач. Бо сапраўды, традыцыйная разбіўка добая для пошуку кватэраў, і не зусім прыдатная для пошуку суседзяў.
Альбо, можа быць, магчыма разбіць мапу Менску на квадрацікі (ну, каб было з дакладнасцю не да дома, а да квартала, скажам). І карыстальнік, тыцкаючы ў пэўны квадрацік, бачыў бы нікі людзей, што пазначылі той квадрацік як месца свайго пражывання. ??

[julcik]

Мапа - гэта іншы ўзровень скаладанасці. Тэарытычна - можна. Практычна - не хутка.

Давайце паспрабуем падрабніць раёны і ў тэксце напісаць, каб людзі пазначалі менавіта тыя месцы, дзе ЧАСТА бываюць

[rasiczka]

а мы ў заапарку не раз на месяц бываем. мы хоць кожны дзень туды можам прыехаць. я ўсё хацела запрасіць туды людзей, каб сустрэцца і пазнаёміцца, але лета раптоўна скончылася

[Kryscina]

Alina, кружок вакол дома добра для тых, хто сапраўды жыве дома. А калі дома толькі спіш, а цэлы дзень праходзіць у іншых раёнах гораду?
Мы жывучы побач з вамі сустракаемся радзей, чым з сябрамі Мірона, якія жывуць побач з працай Андрэя.

[Alina]

Kryscina,
Можа быць, гэта таму, што Мірону больш падабаецца з імі сустракацца?
я ж не супраць пазначэння некалькіх месцаў, калі дзця дзесьці яшчэ праводзіць шмат часу. Але калі такіх месцаў зашмат, сэнс губляецца.

[rasiczka]

Alina, я пазначыла пяць месцаў. Але гэта ад безнадзейнасці . Напр., у двары, дзе мы гуляем, ніхто беларускамоўны не з'яўляецца. Але ж сустракацца ўсё роўна хочацца. Тады я пашыраю геаграфію, тым больш што мы з дачушкай любім вандраваць і ў пазначаных месцах сапраўды бываем без асаблівых цяжкасцей.

[Alina]

rasiczka,
мы на машыне, таму тэарытычна мы можам даехаць увогуле куды заўгодна. У заапарку бываем прыкладна раз на месяц. Але гэта ж не тое, чым калі б мы жылі ў Чыжоўцы і хадзіліі туды гуляць штодзень.
Я таму прапаную мапу с квадрацікамі -- тыцнуў у квадрацік -- пабачыў тых, хто там тусуецца. Тыцнуў у іншы -- пабачыў іншых. А проста пра сустрэчы можна дамаўляцца ў раздзеле форума "Давайце знаёміцца сустракацца".
Вось, дарэчы, у вас пад аватаркай не пазначаны раён пражывання -- а гэта ж таксама спосаб -- убачылі іншыя ўдзельнікі форуму, дзе вы жывеце і якога ўзросту ў вас дзіця -- зацікавіліся-напісалі ў прыват.