Новае ў блогах
Артыкулы
Форум
Блогі
Фотаальбом
Подпісы да форумаў
Афіша
Паштоўкі
Жывы слоўнік
Наша мапа
Каляндар
Рэгістрацыя
Пошук па форуме
Сябры і Групы
Пашпарт
» Уваход
  Мянушка:    Пароль:      Запомніць мяне       
Сяргей Міхалкоў па-беларуску

Пераход да іншай старонкі: 1, 2  наступная » 

Спіс форумаў Нашыя дзеткі » Дзіцячая літаратура
 
Аўтар Паведамленне
Black aspid

Свой чалавек


Зарэгістраваны: 05.04.2009
Паведамленні: 1206

ПаведамленнеДададзена: 3.07.10 12:18    Загаловак паведамлення: Сяргей Міхалкоў па-беларуску Адказаць з выцемкаю

Рызыкую быць абвінавачанай у папулярызацыі пасобнікаў путлераўскага рэжыму. Таму заранёў абяцаю галоўны шэдэўр Сяргея Міхалкова тут не публікаваць.
Угару
Праглядзець пашпарт Даслаць цыдулку
Black aspid

Свой чалавек


Зарэгістраваны: 05.04.2009
Паведамленні: 1206

ПаведамленнеДададзена: 3.07.10 12:37    Загаловак паведамлення: Адказаць з выцемкаю

Мы едзем, едзем, едзем…

Мы едзем, едзем, едзем
За самы далягляд –
Найлепшая у свеце
Кампанія рабят.
Мы ўсе жывем у згодзе,
Умеем сябраваць,
І песеньку заводзім,
Абы не сумаваць:

Тра-та-та, любата!
Мы ўзялі з сабой ката,
Чыжыка, сабаку,
Пеўніка пад паху,
Павіяна,
Папугая…
Вось кампанія такая!

Калі пад чыстым небам
З душой адкрытай жыць,
Злаваць няма патрэбы
І можна ўсіх любіць.
Збіраешся ў дарогу –
Сяброў склікай хутчэй,
Яны і дапамогуць,
І разам весялей!

Тра-та-та, любата!
Мы ўзялі з сабой ката,
Чыжыка, сабаку,
Пеўніка пад паху,
Павіяна,
Папугая…
Вось кампанія такая!

Мы ехалі ўрачыста,
Кампанія сяброў.
За сонейкам агністым
Вярталіся дамоў.
Нас промні сагравалі,
Нас вецер абдымаў,
І мы не сумавалі,
Бо кожны падпяваў:

Тра-та-та, любата!
Мы ўзялі з сабой ката,
Чыжыка, сабаку,
Пеўніка пад паху,
Павіяна,
Папугая…
Вось кампанія такая!
Алена Церашкова


Апошні раз рэдагавалася: Black aspid (12.07.10 11:28), усяго рэдагавалася 2 раз(ы)
Угару
Праглядзець пашпарт Даслаць цыдулку
Black aspid

Свой чалавек


Зарэгістраваны: 05.04.2009
Паведамленні: 1206

ПаведамленнеДададзена: 3.07.10 12:38    Загаловак паведамлення: Адказаць з выцемкаю

Два барана

Па сцяжыне стромай горнай
Бег дамоў баранчык чорны
І на мосціку гарбатым
Ён сустрэўся з белым братам.

Рогі белы брат наставіў:
- Бэ-э, браток, такія справы:
Тут не разысціся, не-е!
Вызваляй дарогу мне-е!

Чорны блее грозна:
- Ме-е-е!
Ці ў сваім ты розуме-е?
Хай мае адсохнуць ногі,
Першым не сыду з дарогі!

Сутыкнуліся рагамі,
Упіраются нагамі…
Як рагамі не круці,
А ўдваіх не перайсці.

З неба сонейка пячэ,
Пад мастом рака цячэ.
Тут, ля моста, раным рана
Патанулі два барана.
Алена Церашкова


Апошні раз рэдагавалася: Black aspid (12.07.10 11:16), усяго рэдагавалася 1 разоў
Угару
Праглядзець пашпарт Даслаць цыдулку
Black aspid

Свой чалавек


Зарэгістраваны: 05.04.2009
Паведамленні: 1206

ПаведамленнеДададзена: 3.07.10 12:57    Загаловак паведамлення: Адказаць з выцемкаю

Прышчэпка
- На прышчэпку! Першы клас!
- Чулі? Пэўна, гэта нас!
Я прышчэпкі не баюся!
Без пытанняў укалюся.
Што – укол! Не варта слоў:
Укалоўся дый пайшоў.

Першым я зайду напэўна
У кабінет. Бо нездарма
У мяне канаты-нэрвы,
Можа, нэрваў і няма!

Калі б толькі хто спытаў бы,
Дык білеты на футбол
Я ахвотна прамяняў бы
На яшчэ адзін укол!

- На прышчэпку! Першы клас!
- Чулі? Пэўна, гэта нас!
А чаму стаю ля сценкі?
Бо дрыжаць мае каленкі...

Алена Церашкова


Апошні раз рэдагавалася: Black aspid (12.07.10 11:29), усяго рэдагавалася 1 разоў
Угару
Праглядзець пашпарт Даслаць цыдулку
Alenka

Свой чалавек


Зарэгістраваны: 28.04.2006
Паведамленні: 2261
Адкуль: Менск

ПаведамленнеДададзена: 3.07.10 13:51    Загаловак паведамлення: Адказаць з выцемкаю

Black aspid, дзякуй! Як заўжды, якасныя пераклады. Супер!
Адзіную заўвагу можна? У "Песеньцы сяброў" героі ўсё ж везьлі "обезьяну, попугая", а не "бегемота, папугая". Бегемота занадта цяжка везьці з сабой, ці ня так? Сьмешка Мы сьпяваем "малпачку і папугая".

_________________


Угару
Праглядзець пашпарт Даслаць цыдулку
Black aspid

Свой чалавек


Зарэгістраваны: 05.04.2009
Паведамленні: 1206

ПаведамленнеДададзена: 3.07.10 15:40    Загаловак паведамлення: Адказаць з выцемкаю

МалпачкУ і папугая? не ведаю, сяджу-думаю. Лепей спеўнасць захаваць ці спісачны склад... Добра, хай будзе малпа. Толькі не абстрактная малпа, а павіян. Павіяна, папугая вязем, а бегемота не вязем Сп. Зялёная Усьмешка
Угару
Праглядзець пашпарт Даслаць цыдулку
Alenka

Свой чалавек


Зарэгістраваны: 28.04.2006
Паведамленні: 2261
Адкуль: Менск

ПаведамленнеДададзена: 3.07.10 16:11    Загаловак паведамлення: Адказаць з выцемкаю

Сапраўды, з павіянам лепш рытміка захоўваецца. Мне падабаецца такі варыянт, тым больш што павіян - ня самая цяжкая з малпаў і везьці павіяна можна лёгка. Сьмешка

_________________


Угару
Праглядзець пашпарт Даслаць цыдулку
Black aspid

Свой чалавек


Зарэгістраваны: 05.04.2009
Паведамленні: 1206

ПаведамленнеДададзена: 8.07.10 17:27    Загаловак паведамлення: Адказаць з выцемкаю

Анонс! Даслала на пошту "дзетак" пераклад "Дзядзька Сцёпа". Чакаем.
Угару
Праглядзець пашпарт Даслаць цыдулку
Kotka

Вельмі актыўны ўдзельнік


Зарэгістраваны: 22.02.2007
Паведамленні: 587
Адкуль: Менск, Паўднёвы Захад

ПаведамленнеДададзена: 11.07.10 19:24    Загаловак паведамлення: Адказаць з выцемкаю

Black aspid, проста любата! Дазвольце, трошкі падрэдагую Міргаю

У песні "Мы едзем, едзем, едзем" замест
Выцемка:
Пеўня-забіяку,
Павіяна,


Пеўніка пад паху,
Малпанятка

Выцемка:
Нас вецер абдзьмуваў,

Нас вецер абдымаў

У вершы пра прышчэпку:

Выцемка:
А чаму я стал ля сценкі?
Бо дрыготкія каленкі…

А чаму стаю ля сценкі?
Бо дрыжаць мае каленкі...

І яшчэ трошкі:
Выцемка:
Два барана

Па сцяжыне стромай горнай
Бег дамоў барашак чорны


Два бараны

Па сцяжыне стромай горнай
Бег дамоў баранчык чорны

Выцемка:
Тут, ля моста, раным рана
Патанулі два барана.


Патанулі бараны,
Ўпартыя былі яны.

Алена, дзякуй вам вялізны яшчэ раз! "Мы едзем, едзем, едзем" і пра бараноў гэта адны з нашых любімых вершаў. Цяпер маем іх па-беларуску! Супер!

_________________


Мой тэлефон 5872619 (Velcom)
Угару
Праглядзець пашпарт Даслаць цыдулку Даслаць e-mail
Black aspid

Свой чалавек


Зарэгістраваны: 05.04.2009
Паведамленні: 1206

ПаведамленнеДададзена: 12.07.10 11:30    Загаловак паведамлення: Адказаць з выцемкаю

Kotka, дзякуй за праўку. Сьмешка
Угару
Праглядзець пашпарт Даслаць цыдулку
Black aspid

Свой чалавек


Зарэгістраваны: 05.04.2009
Паведамленні: 1206

ПаведамленнеДададзена: 15.07.10 19:36    Загаловак паведамлення: Адказаць з выцемкаю

Прысвячаю ўсім, хто ідзе першы раз у першы клас

Чыстапісанне

Выводжу цвёрдаю рукой:
“Да-е ка-ро-ва ма-ла-ко”.
Па літарцы, за складам склад
Устануць, нібы на парад.
Спачатку “да”, а потым “е”.
Ужо агораў я “дае”,
Ужо агораў я “дае”,
І тут… паперу пёрка рве.
Старонку гэтую далоў
І перапісваем наноў.

Выводжу літары свае:
“Ка-ро-ва ма-ла-ко да-е.”
“Ка-ро-ва ма-ла-ко да-е”?
Зусім не гэта трэба мне.
Дае карова малако!
Перапісаць, такі закон.

Закрэсліваю я радок,
Зноў за кручком вяду кручок:
“Да-е ка-ро-ва ма-ла-ко”.
Ды спатыкнуўся я на “ко”,
І клякса чорнаю смалой
Заліла “ко”, і “мо”, і “ло”.
Яшчэ адну старонку прэч!
Як усё гэта недарэчна!

А за вакном мае сябры
Ганяюць мячык па двары…
Вішчыць суседзкі шчанючок…
Звініць у ровара званок…
Ізноў даводзіцца старацца.
Пакінуць нельга мне пакой.
“Да-е ка-ро-ва ма-ла-ко.”
Фу! Стаць вучоным – гэта праца!

Алена Церашкова


Апошні раз рэдагавалася: Black aspid (16.07.10 5:45), усяго рэдагавалася 1 разоў
Угару
Праглядзець пашпарт Даслаць цыдулку
Palina007

Свой чалавек


Зарэгістраваны: 02.03.2007
Паведамленні: 2291
Адкуль: Менск

ПаведамленнеДададзена: 15.07.10 22:05    Загаловак паведамлення: Адказаць з выцемкаю

Black aspid, вельмі-вельмі Супер!
Адно толькі: я б не мяняла ў апошнім радку "навукоўца" на "пісьменнага", бо тут самы цымус. Недзе так: "Уф! Стаць вучоным - гэта праца!"

_________________
Угару
Праглядзець пашпарт Даслаць цыдулку Даслаць e-mail
Black aspid

Свой чалавек


Зарэгістраваны: 05.04.2009
Паведамленні: 1206

ПаведамленнеДададзена: 16.07.10 5:46    Загаловак паведамлення: Адказаць з выцемкаю

Palina007, Супер!
Угару
Праглядзець пашпарт Даслаць цыдулку
Black aspid

Свой чалавек


Зарэгістраваны: 05.04.2009
Паведамленні: 1206

ПаведамленнеДададзена: 24.07.10 22:14    Загаловак паведамлення: Адказаць з выцемкаю

Фама-недавера

У нашым завулку стаялі дамы.
Апошнім быў дом недаверы-Фамы.
Ні ў доме, ні ў школе Фама, анягож,
Не верыў нікому ні ў чым ні на грош.

- На вуліцы, -кажуць, -залева і град.
Гумовыя боты цяпер акурат!-
Фама не даслухае:
- Гэта мана!
Шыбуе па лужынах. Туфлям хана.
Зіма. Апранулі сябры паліто
І клічуць Фаму пагуляць на каток.
Мароз ды сумёты не доказ яму:
У майтках на вуліцы бачым Фаму.
Ідзе ў заапарку з экскурсіяй ён.
- Глядзіце!- сказалі яму,- Гэта слон!
і тут жа Фама стаў даказваць усім:
- Той слон да слана й не падобны зусім!

Аднойчы прысніўся ўпартаму сон,
Нібыта у Афрыку выбраўся ён.
З нябёс афрыканскае сонца пячэ
І рэчка пад назваю Конга цячэ.
Гавораць сябры:
- У ваду не хадзі!
У Конга паўсюдна жыве кракадзіл!
Ён маша рукою:
- Усё гэта – лухта,
Заўсёды вы кажаце нешта не так!
Кашуля і майткі ляжаць на пяску,
Фама-недавера спрабуе раку.
Вось ляснулі зубы ля самых вачэй…
- Ратуйся няшчасны, на бераг хутчэй!
Аднак у адказ яны чуюць ізноў:
- Я – вучаны! Мне адзінаццаць гадоў!

Ужо кракадзіл у Фамы за спіной,
Ужо кракадзіл папярхнуўся Фамой
Адна галава ужо з пашчы тырчыць
І нешта ўпарта на бераг крычыць:
- Не пра… я не ве…
Кракадзіл уздыхнуў
І, сыты, ў зялёную Конга нырнуў.
Кашуля ды майткі ляжаць на пяску
І сонца бязлюдную грэе раку.

Ускочыў Фама, вочы стаў прадзіраць:
Кашуля і майткі на крэсле вісяць.
І тут закрычаў як асмалены ён:
- Няпраўда, спадарства, ніякі не сон!
Калі вы сустрэлі такога Фаму,
То вершы мае прачытайце яму!

Алена Церашкова
Угару
Праглядзець пашпарт Даслаць цыдулку
julcik

Адміністратарка


Зарэгістраваны: 15.03.2006
Паведамленні: 7682

ПаведамленнеДададзена: 24.07.10 23:00    Загаловак паведамлення: Адказаць з выцемкаю

Мне таксама вельмі падабаюцца пераклады. Я вось прыехала са спякотнага лецішча надзень у інтэрнэт, амаль нічога чытаць няма моцы, а пераклады чытаю з задавальненнем.

_________________

Угару
Праглядзець пашпарт Даслаць цыдулку Нумар ICQ
Паказаць паведамленні:   

Распачаць новую тэмуАдказаць на тэмуprinter-friendly view    Спіс форумаў Нашыя дзеткі -> Дзіцячая літаратура Часавы пояс: GMT + 3
Пераход да іншай старонкі: 1, 2  наступная »
Старонка 1 з 2.

 
Перайсці:  
Вы не можаце распачынаць тэмы
Вы не можаце адказваць на паведамленні
Вы не можаце рэдагаваць свае паведамленні
Вы не можаце выдаляць свае паведамленні
Вы не можаце галасаваць у апытанках
Вы можаце далучаць файлы
Вы можаце сцягваць файлы

Падобныя тэмы
 Тэмы   Адказы   Аўтар   Праглядаў   Апошняе паведамленне 
Няма новых паведамленняў Прылеплена: Як тут што працуе? (FAQ) 107 julcik 135859 27.08.12 18:40
Kjara Паглядзець апошняе паведамленне
Няма новых паведамленняў Хто тут ёсць з Гародні? 53 dimaidr 86789 3.01.16 0:33
Maryia Паглядзець апошняе паведамленне
Няма новых паведамленняў Дзень добры... Мы тут упершыню 129 fasolinka 111961 20.11.14 1:43
pleonazm Паглядзець апошняе паведамленне
Няма новых паведамленняў [ Апытанка ] Ці літвіны (літвінкі) тут ёсць? 15 Mann Kurt 33461 20.02.09 14:09
Wojsza Паглядзець апошняе паведамленне
Няма новых паведамленняў Кулінарныя тэрміны па-беларуску 91 Mann Kurt 78714 17.11.07 18:55
Mann Kurt Паглядзець апошняе паведамленне
 
  Мянушка:    Пароль:      Запомніць мяне       


Board Security

Каталог TUT.BY Rating All.BY Internet Map