Дыяфільмы

[julcik]

Глядзіце, што Аленка зрабіла!
Мыйдадзір!
http://dzietki.org/article/cms_view_article.php?aid=310

[Kryscina]

Аленка - Дзякуй!!!

[hormashyki]

julcik, проста супер усё. А яшчэ такога кшталту будзеш рабіць?

[julcik]

hormashyki, гэта Аленка рабіла!

[hormashyki]

Ой, а я аўтаматам націснула. Тады тое ж самае пытанне да Алены. Ці збіраешся нешта такое далей рабіць?

[Vola]

Аленка - нашая любімая казка. дзякуй, тым больш, што зараз у цябе павінны быць аграмадны недахоп часу. Не, ну чаму я не такая таленавітая?

[Alenka]

[quote]

Выцемка:

Ці збіраешся нешта такое далей рабіць?

Дзяўчаткі, рада, што вам спадабалася мая праца!
Так, хацелася б далей нешта такое рабіць, але... Каб такое рабіць, патрэбныя дзьве рэчы: адсканаваны дыяфільм і тэкст па-беларуску. Пакуль што абсалютна выпадкова знайшла ў нэце 2 адсканаваныя дыяфільмы: "Мыйдадзір" і "Лекар Айбаліць". "Айбаліця", здаецца, па-беларуску няма? Калі раптам ёсьць, дасылайце, зраблю гэты дыяфільм!

У нас удома маецца шмат расейскіх дыяфільмаў (каля 70, каляровыя). Мо хто падкажа, як іх сканаваць? Адмысловы сканэр патрэбны? Можа, хтосьці можа дапамагчы з такім сканаваньнем?

Накласьці беларускі тэкст на кадры адсканаванага дыяфільму - праца элемэнтарная. Гэта прыкладна тое самае, што зрабіць налепкі зь беларускім тэкстам для кніг па-расейску, нават прасьцей. "Налепкі" для дыяфільму хутка робяцца ў Paint, пасьля файлы jpg устаўляюцца як кадры прэзэнтацыі. Магу ўсіх навучыць. Сумесна наладзім вытворчасьць.

Яшчэ адна файная рэч: у прэзэнтацыю можна ўстаўляць гукавыя файлы, то бок
паралельна з паказам малюнкаў можа ісьці начытаны тэкст. Ніколі такім не займалася, магчыма, паспрабую так зрабіць.

Калі знайду яшчэ ў нэце адсканаваныя дыяфільмы, абавязкова зраблю што-небудзь цікавае бліжэйшым часам!

Выцемка:

тым больш, што зараз у цябе павінны быць аграмадны недахоп часу

Павінны быць, але няма чамусьці. Я яшчэ і працую кожны дзень, крыху грошыкаў зарабляю.

Выцемка:

Не, ну чаму я не такая таленавітая?

Ну уж... Усе людзі таленавітыя, проста кожны ў сваёй галіне!

[Tanya]

Выцемка:

Павінны быць, але няма чамусьці. Я яшчэ і працую кожны дзень, крыху грошыкаў зарабляю.

А чым займаецца Алесь?

[hormashyki]

У мяне ў самой шмат дыяфільмаў ляжыць. Таму і сама хацела даведацца ў цябе як ты іх сканавала. А тут атрымалася, што ты таксама думаеш як гэта зрабіць. Я у свой час бачыла ў Нэце ЧЫРВОНЫ КАПЯЛЮШЫК адсканаваны. Сёння пашукаю, можа знайду. ТАм яшчэ шмат дыфільмаў было (Дзюймовачка, Прынцэса на гарошыне, і гд).

[Vola]

Tanya, не зайздросьці. калі анэльцы будзе 27 дзён, у цябе таксама шмат вольнага часу зьявіцца.

[Alenka]

Выцемка:

А чым займаецца Алесь?

Алесь займаецца тым, чым звычайна займаюцца дзеці, - гуляецца з цацкамі, гуляе на пляцоўцы на вуліцы, малюе, лепіць, будуе, глядзіць тэлевізар, разьбіраецца з кампутарнымі гульнямі і г.д. Ён стаў за час майго знаходжаньня ў радзільні больш самастойным - сам кладзецца спаць, сам можа пайсьці ўзяць зь лядоўні тое, што яму падабаецца, і паесьці, часам нават посуд сам мые.
Ён цяпер старэйшы, і ўвагі, канешне, менш яму дастаецца. Пакуль не скардзіцца.

У садок зьбіраемся хадзіць, як толькі ад насмарку пазбавімся.

[stasia]

Alenka, ты малайчынка, и няма чаго чырванець -- насамрэч вельмі таленавіты чалавек.
А Алесю перадавай, што Агата сказала -- годзе хварэць.

[julcik]

http://www.babyroom.narod.ru/prezent3.html
дыяфільмы чакаюць перакладу

[julcik]

Кот у ботах
http://dzietki.org/article/cms_view_article.php?aid=315

[hormashyki]

шчыра кажучы сайт мне гэты не вельмі спадабася. А вось новы знайшла, больш цікавейшы.
http://skalabuhin.narod.ru/SKLAD/index.htm Там усе дыяфільмы ў звычайных малюнкаўскіх фарматах зроблены, толькі што заархівіраваны. Застаецца паглядзець якія ёсць пераклады на беларускую мову.