Вершыкі-загадкі ад Алены Церашковай

[Tanya]

Кампутар і швейная машынка Дзякуй, Алена

[Black aspid]

СПАРТОВЫЯ ЗАГАДКІ
Мяне кідаюць – я не плачу,
а б’юць – ад радасці скачу.
Настрою добрага не трачу,
бо падабацца ўсім хачу!
(мяч)

На ўскрайку поля я стаю
і клопату не маю.
Бывае, што мячы лаўлю,
бывае – адбіваю.
Ты здагадаўся? Брава!
Я – не гулец. Я –
(брама)

Дражняць кошыкам мяне,
хоць я зусім не кошык, не.
Трапны мяч я праглынаю,
ды ніколі не ўтрымаю.
(баскетбольнае колца )

Мая каманда наступае –
Стаю, хвалююся за іх.
Мая каманда “пазяхае” –
Гуляю я, адзін за ўсіх.
(брамнік)

Ён – пачатак і канец.
Ведае любы гулец:
як гульнёй ні захапляйся,
а пачуў яго – спыняйся!
(свісток)

Ён правілы ведае лепей за ўсіх,
ён вырашыць спрэчкі сваіх ды чужых.
(суддзя)
Бывае, пляцоўку яна падзяляе,
Бывае – у браме, як сценка, звісае.
Як моцна ні лупіць гулец па мячы -
Праз гэтыя краты мячу не ўцячы.
(сетка)
Тут бульбу не садзяць, тут жыта няма,
і трактар сюды не прыедзе дарма.
Тут мячык лятае ды скача на волі,
Ды ўсё ж гэта месца назвалі мы …
(поле)
Алена Церашкова

[Кот Максім]

Спартовыя загадкі - гэта крута! Шчыра дзякуй! Я іх пераклаў і спаслаў пераклады Вам на пераверку у прыватнай цыдулцы.

[Black aspid]

Палічыце хлопцаў і дзяўчат!

ДАЦЬ КАМУ? СЯБРУЮ З КІМ?
Шакаладак роўна пяць.
Падкажы, каму іх даць?
Вось Наталька і Андрэйка, Рыта, Вера і Кастусь,
Іна, Ліза ды Уладзя, Ігар, а ячшэ Кандрусь.
Не хапае, бачу сам.
Шакаладкі напалам!
Дам Наталь__ і Андрэй__, Ры__, Ве__, Касту__,
І__, Лі__ ды Ула___, Іга__ ды Кандру__.
Мне? Няма. Ды не сумую,
бо затое я сябрую
І з Наталь___, і з Андрэй___, Ры___, Ве___, Касту___,
І___, Лі___ ды Ула___, Іга___ ды Кандру___.

[Tacciana]

Алена, у вас такія цудоўныя вершыкі, вельмі прыемна іх чытаць! Дзякуй вялікі!

[Кот Максім]

Black aspid, я зрабіў новыя пераклады Вашых загадак ды адрэдагаваў мае пераклады спартовых загадак. Пазірніце да прыватных цыдулак, калі ласка.

[Black aspid]

Што любяць дзеці
Больш за ўсё на свеце?
У хлебе – скарынкі,
У кексе – разынкі,
А ў школе - …

апд: пераклад з Валянцина Берастава - сэксиста, яки сцвярджае, што перамены любяць хлопчыки, и ничога не згадае пра дзяучат)))))

Не каза, а з барадой.
Кожны дзень ідзе са мной,
А калі яго не ўзяў –
маму звонку я чакаў.

Яна ляціць па небе і падае на дол.
Няма яе – і хлеба не пакладзеш на стол.
То пабяжыць імкліва, то ляжа на зямлі.
А без яе не выйдуць у мора караблі,
Ні супа, ні кампота не зварыш, вось бяда,
І нават не заплачаш ты без яе …

(перапынкі, ключ, вада )

[Кот Максім]

          

Black aspid пісаў(-ла):

Што любяць дзеці Больш за ўсё на свеце? У хлебе – скарынкі, У кексе – разынкі, А ў школе - … (перапынкі)

Выбачаюся, але падобнае ёсць у Валянціна Берастова:

"Что всего милее для тебя, мальчишка?
В хлебе - горбушка,
В капусте - кочерыжка,
В варенье - пенка,
А в школе - переменка!"

Загадкі пра ваду і пра ключ проста цудоўныя! Шчыра дзякуй!

[Black aspid]

не выбачайцеся))) гэта пераклад з Берастава, тольки несвядомы. У сэнсе, несвядомыя рэдактары дали свядомым рэдактарам, без аутара, а тыя мне дзеля пераклада. Таму выбачаюся перад Бераставым)))

[Кот Максім]

          

Black aspid пісаў(-ла):

не выбачайцеся))) гэта пераклад з Берастава, тольки несвядомы. У сэнсе, несвядомыя рэдактары дали свядомым рэдактарам, без аутара, а тыя мне дзеля пераклада. Таму выбачаюся перад Бераставым)))

Вось і добра. Як кажуць: "Гонар даданы, ад ззбытку Бог абараніў" (то бок па-руску будзе "Честь приложена, а от убытку Бог избавил").

[Black aspid]

Адна матка – дзяцей поўна хатка,
Хлопцы лянiвыя, дзеўкi руплiвыя,
Гучна гудуць, соладка ядуць,
Ворагу рады дадуць.
(пчолы)
Вынаходнiкi паперы невялiчкага памеру.
Крылы, вусiкi i жвалы, ножак шэсць, кiнжалы-джалы…
Чорна-жоўтыя палосы нам падкажуць: гэта – (восы)
…
Луг сухи, а з-пад ног пырскае. (конікі)

Паўзе – грызе, паляцiць – зможа толькi пiць. (вусень, матыль)
Алена Церашкова

[Black aspid]

адным радком пра кветкі-гадзіннікі

Булкам адмысловы смак надае звычайны… мак
Растуць не на градзе, красуюць на вадзе. гарлачык
Расце у лесе густа заечая капуста. кісліца
Расце кветка на кашулі дзеткам. лён
Беларуская ружа – калючая дужа. шыпшына
Не дзеля кветак гадуюць, усю радзіну частуюць. бульба
Уночы распускаецца, па колеры называецца. фіялка начная
Алена Церашкова

[Black aspid]

яшчэ пра казюрак

Па памерах – чэмпiён,
З рода пчол паходзiць ён. (чмель)

Пад асiнкай сто тысяч асiлкаў. (мурашник)

З мурашамi варагуюць.
Драўляныя дамы руйнуюць
I вежы талакой будуюць. (тэрмиты)