Што такое медыя абмен і як ім карыстацца

[julcik]

Што такое медыя абмен
Гэта медыя бібліятэка - новы сэрвіс, прызначаны для абмену разнастайнымі медыя матэрыяламі. У першую чаргу гэта, мабыць, будуць фільмы і мульцікі, аднак спадзяюся, адродзіцца і даўняя ідэя абмену кнігамі. Пад абменам я маю на ўвазе, што нехта пазычае дыск ці кнігу (з вяртаннем), але вы можаце дамаўляцца і на іншых умовах. Гэта ні ў якім разе не крама.

Акрамя абмену вітаюцца таксама водгукі, абмеркаванне і г.д. Асабліва карыснымі будуць водгукі на кнігі.

Як гэта працуе?
На старонках медыятэкі http://dzietki.org/lib/ будзе змяшчацца інфармацыя пра тыя ці іншыя цікавосткі: фільмы, мультфільмы, аўдыё дыскі, кнігі ці часопісы. Пад апісаннем зарэгістраваныя карыстальнікі ўбачаць лінк Я магу пазычыць - націскайце на яго, калі вы хочаце таксама падзяліцца гэтым жа матэрыялам.
Калі вы раней націснулі на гэты лінк, але па нейкіх прычынах больш не можаце пазычаць - вам будзе бачна спасылка Я больш не магу пазычыць! - націскайце на яе.

Спіс сяброў форума, якія згодныя падзяліцца, таксама бачны на старонцы, дамаўляцца можна праз цыдулкі.

Як дадаць нешта новае?
Пакуль тая частка, якая дазволіць самастойна дадаваць матэрыял, не скончаная. Таму пакуль можна пакідаць інфармацыю ў гэтай тэме, а я буду перакладаць яе ў медыятэку. У будучыні можна будзе дадаваць інфармацыю самастойна.

Чаму так мала інфармацыі
Я над гэтым працую. Будзе больш

[Volha]

Не знайшла, як дадаваць свае пунктыы ў тэматычныя зборкі.
І яшчэ - "а магу пазычыць" выходзіць гуртом. А калі магу пазычыць толькі нешта з?

[julcik]

Volha, пакуль дадаваць самім нельга. яшчэ не зрабіла.
Калі нешта з - таксама не ведаю, прапануй свой варыянт. альбо дадаць гэтае "нештаЭ яшэч раз, альбо потым у цыдулках адпісваць.

Рухавік ідэі можа пазычаць толькі згаданыя зборкі і толькі ў такой камбінацыі, таму ён настойваў на там, каб ўсё было разам, ціпа такая складанака.

[Volha]

julcik,
Гм, а якая рэлігія замінае рухавіку пазычаць фільм - і яшчэ нешта ў нагрузку?
Імга, калі кожнае апісанне будзе стаяць асобна, прасцей шукаць і каментаваць. )

[julcik]

Volha, ну мы ціпа сыходзілі з таго, што гэта дыск, на ім запісана тое, што запісана. Ідзе камплектам.

[Volha]

julcik,
ы. )

[CheGirl]

А як бы вы паставіліся да выкладвання матэрыялаў гэтага раздзелу на якім трэкеры, кшталту Баравік?

[julcik]

CheGirl, на баравіку яно і так мусіць існаваць, здаецца

[Kryscina]

CheGirl, я б дадала яшчэ, што кнопка "Я магу пазычыць" не тоесная з "Я магу і хачу запампаваць і выкласці куды-небудзь". Аўтарскія правы і ўсё такое...

[julcik]

Kryscina, але калі нехта іншы хоча парушыць аўтарскія правы і штосьці кудысьці выкласці - мы не ў сілах яго спыніць

[Kryscina]

julcik, так, мы можам толькі пацікавіцца: што і куды?

[CheGirl]

          

julcik пісаў(-ла):

CheGirl, на баравіку яно і так мусіць існаваць, здаецца

На Баравіку 14 серыяў вісяць.
Kryscina, калі вы гэта пра мяне, то дыск я бяру для сваіх малых . А хіба такі дзеткаўскі медыя-абмен не ёсць парушэнне аўтарскіх правоў?
А раздача праз трэкер дапаможа не-сталічным/ не-дзеткаўскім/не-беларускім бацькам.

[Kryscina]

CheGirl, пытанне складанае. Тэарэтычна можна сказаць, што я даю вам 1 дыск для асабістага карыстання. А праз трэкер колькасць і мэты карыстальнікаў абмежаваць немагычма.
Ясна, што чым больш даступнымі будуць беларускія творы, тым лепш. Але мы не імкнемся дапрацоўваць ці змяняць іншыя пляцоўкі - мы робім свой сайт. І калі нехта прыватна вырашыць нешта зрабіць на іншым рэсурсе, то гэта будзе ягоная асабістая справа.

[CheGirl]

Kryscina, дзякуй за адказ.Менавіта гэта мяне і цікавіла