Хатні маянэз без яек

[julcik]

Вельмі хацела маянэз, але баялася сальманэлы.
Паспрабавала зрабіць маянэз без яек (і адпаведна без сальманэлы). Мне так спадабалася, што не магу з вамі не падзяліцца.
Арыгінальны рэцэпт у ЖЖ тут http://trio-mia.livejournal.com/74570.html аднак я рабіла крыху інакш.
Я ўзяла толькі 100 мл малака (проста больш не было, Янка менавіта 100 учора не дапіў ). Заліла ў камбайн, туды ж заліла прыкладна 50 мл алею (сланечнікавага), уключыла. Астатні алей (250 мл) далівала струменчыкам (у памяць ад сапраўдным маянэзе )
Дадала крыху гарчычнага парашку, соль, вінны воцат (2 маленькія лыжачкі) і аліўкавы алей (2 сталовыя лыжкі). Алею я дадала так мала, бо ў мяне алей з вельмі яркім смакам, калі дадаць яго шмат ці зрабіць толькі на ім, ён будзе забіваць пах стравы.
Яшчэ крыху усё пазбівала кабайнам (камбайн у мяне круціць не надта хутка). Атрымалася эмульсія, але вадкаватая - як дрэнная смятана.
Далей збівала пагружным міксерам на максімальнай хуткасці. Літаральна за хвіліну эмульсія пагусцела да такога стану, што ў яе можна лыжку ставіць і яна стаіць.

[CheGirl]

часцяком раблю такі майанез, блендэр у мяне хуткі, таму да шчыльнага стану даходзіць імгненна.а калі не дадаваць соль, гарчыцу і г.д. атрымліваецца нешта, нагадваючае раслінныя бітыя вяршкі. Часам выкарыстоўваю іх для сдобных прысмакаў

[kropka]

Выцемка:

Вельмі хацела маянэз, але баялася сальманэлы

дзесьці я чытала, што ў перапяліных яйках сальманэлы не бывае і іх раюць выкарыстоўваць у тых стравах, дзе патрэбныя сырыя яйкі.

[julcik]

kropka, гэта не праўда, гэта вельмі распаўсюджаны міт (альбо маркетынгавы крок). Я чытаю блог жанчыны, якая па адукацыі бактэрыёлаг. Яна не так даўно тлумачыла, што сальманэла вельмі добра жыве пры тых 42 градусах, якія мае тэмпература цела перапёлак. Яны паміраюць толькі пры тэмпературах, блізкіх да 60 градусаў.