 |
||||
 |
||||
Самыя папулярныя старонкіБеларускія імёны (202145)Флэш-мульт Курачка-Рабка (200926) Цудоўная вясёлка (190454) Размалёўка: домік (182812) Маляванкі для маленькіх: машынка (180871) Каляды (каб хадзіць па хатах) (178158) Беларуская мова: гісторыя і сучаснасць (176906) Як назваць дзіця? (173974) Тата, а ты папа? (167531) Натуральны білінгвізм у дзетак (166325) | ||||
|
| ||||
Алена Церашкова: Дамавік
ДамавікМы прыехалі на дачу –
Там завёўся дамавік!
У пакой залез дзіцячы,
Цацкі выкуліў ды знік!
Да паўночы ён са свечкай
Праганяўся за катом.
Зранку – вопратка за печкай
Ды талеркі пад сталом!
- Мама, не бяры да галавы!
Гэта наш вясёлы дамавік,
Ён па хаце бегае ўначы,
Рэчы раскідае ды крычыць!
Мама, не бяры да галавы!
Ў кожнай хаце трэба дамавік.
Не бяды, што дагары ўвесь дом –
Мы не вінаватыя з катом!
Мама строга кажа: - Дзеці!
Дамавік ужо дастаў
Горш за Карсана, што летась
Па цукеркі прылятаў!
Так што майце вы на ўвазе
І скажыце сябруку:
Хопіць вэрхал гэты ладзіць -
Настаіцеся ў кутку!
- Мама, не бяры да галавы!
Гэта наш вясёлы дамавік,
Ён па хаце бегае ўначы,
Рэчы раскідае ды крычыць!
Мама, не бяры да галавы!
Ў кожнай хаце трэба дамавік.
Не бяды, што дагары ўвесь дом –
Мы не вінаватыя з катом!
- Гэта проста небяспечна,-
Кажа тата за сталом.
- Дамавік той недарэчны
Пэўна, хутка спаліць дом!
Тут ніхто не вінаваты,
Нам не справіцца з бядой,
Дык збіраймася дахаты
І на дачу – ні нагой!
- Тата, не бяры да галавы!
Гэта самы ціхі дамавік!
Ён па хаце бегае ўначы,
Рэчы прыбірае ды маўчыць.
Не хвалюйся, татачка, дарма,
Небяспекі, ў прынцыпе, няма!
Больш не патурбуе дамавік –
Дамавік наогул знік!
На паліцах кніжкі й цацкі,
Ды ў кутку сумуе мяч.
Толькі ціха стала ў хатцы:
Толькі сумна, хоць ты плач!
І бацькам ужо трывожна:
Што за дзеці без гульні?
Пэўна, долей так няможна,
Павяртайся, дамавік!
- Тата, не бяры да галавы,
Вернецца гарэза-дамавік.
Проста не пазнаеш ты дзяцей –
Зажывем адразу весялей!
Мама, не бяры да галавы!
Ў кожнай хаце трэба дамавік.
Не бяды, што дагары ўвесь дом –
Мы не вінаватыя з катом!
Алена Церашкова
Цэтлікі (тэгі)| вершы | | вершы для дзяцей | | алена церашкова | |
|
| Адзнакі: 0.00/5.00 [0] |
| Няма каментараў да гэтага артыкула | |
|
|
Форум / Блогі / Фотаальбом / Подпісы да форумаў / Афіша / Паштоўкі / Жывы слоўнік / Наша мапа
Мапа сайту / Пра нас / Кантакты
У артыкулах захаваны правапіс аўтара. Тэксты выкладзеныя ў азнаямленчых мэтах. Калі знаходжанне пэўнага тэксту ў нашай бібліятэцы парушае Вашыя аўтарскія правы - калі ласка, паведамце пра гэта па адрасе dzietki@gmail.com і мы тэрмінова прыбяром тэкст з сайту.
© "Нашыя дзеткі", 2006-2010. Усе правы абароненыя. Выкарыстанне матэрыялаў у камерцыйных мэтах ЗАБАРОНЕНАЕ. Пры некамерцыйным выкарыстанні матэрыялаў спасылка на сайт "Нашыя дзеткі" абавязковая.
Па ўсіх пытаннях лістуйце нам!
