Угару задраўшы нос,
Ён сапе, як паравоз.
Да яго не падступіцца,
Бо шыпіць, хоць і маўчальнік.
А папросііш - дасць напіцца.
Хто ж усё-ткі гэта?
(Чайнік)

Па пакоі ходзіць робат -
У яго гумовы хобат.
І з усіх гырчыць ён сіл,
І глытае ўсюды пыл,
Суне ўсюды доўгі нос.
А завецца ...
(Пыласос)

Вось здарэнне -
гэта ж трэба -
горка, горка
плача неба!
І бягуць, бягуць
слязіны
гэтак,
нібы ручаіны, -
на дамы,
на тратуары,
на далоні і на твары...
Не схаваешся нідзе.
Што такое?
(Дождж ідзе)

Вельмі многа ў іх работы,
Хоць стаяць яны ўвесь час.
Ад дажджу ці ад спякоты
З ласкаю ўратуюць вас.
Не кладуцца спаць ніколі,
На нагах яны спрадвек,
Не баяцца небяспек -
Ні завеі, ні залевы...
Хто ж яны такія?
(Дрэвы)

Паводле кнігі "Чарадзейная скарбонка", Мн.: Юнацтва, 1987

Цэтлікі (тэгі)

| загадкі | | зіма |

Kryscina, 4.12.11 19:29
Рэд. Kryscina, 4.12.11 19:32

Адзнакі: 0.00/5.00 [0]

Няма каментараў да гэтага артыкула

Перайсці:

У артыкулах захаваны правапіс аўтара. Тэксты выкладзеныя ў азнаямленчых мэтах. Калі знаходжанне пэўнага тэксту ў нашай бібліятэцы парушае Вашыя аўтарскія правы - калі ласка, паведамце пра гэта па адрасе dzietki@gmail.com і мы тэрмінова прыбяром тэкст з сайту.
© "Нашыя дзеткі", 2006-2010. Усе правы абароненыя. Выкарыстанне матэрыялаў у камерцыйных мэтах ЗАБАРОНЕНАЕ. Пры некамерцыйным выкарыстанні матэрыялаў спасылка на сайт "Нашыя дзеткі" абавязковая.
Па ўсіх пытаннях лістуйце нам!