Кансультацыя для бацькоў

Паўнавартаснае здароўе і гарманічнае фізічнае развіццё дзіцяці – тое, да чаго імкнуцца ўсе бацькі. Для здзяйснення гэтай мары патрэбна не толькі рацыянальнае харчаванне, станоўчы псіхаэмацыянальны фон, але і фармаванне добрых звычак, слушна арганізаваны працэс фізічнага выхавання. Каб дасягнуць пазітыўных вынікаў, неабходна шчыльная супраца сям’і і дзіцячага сада.
Бацькі павінны забяспечыць дашкольную ўстанову поўнай інфармацыяй пра здароўе дзіцяці. Рэжым сна і харчавання, дыету, прынятыя ў дзіцячым садзе, трэба выконваць і дома.
Дарослыя павінны хваліць дзіця за праявы самастойнасці, слушнае выкананне гігіенічных працэдур.
Важна правільна падабраць абутак для дзіцяці, адпаведны памеру ступні, з невялікім трывалым абцасам, устойлівы і зручны.
У выходныя і святочныя дні пажадана выконваць рэжым дня. Бацькі павінны ведаць, што дзіцяці пад час прагулак неабходна шмат і вольна рухацца, так як менавіта ў рухальнай актыўнасці ён знаходзіць месца сваёй няўрымслівай энергіі і фантазіі, такая актыўнасць стымулюе эмоцыі, маўленчую і разумовую дзейнасць, самарэгуляцыю.
Вельмі добра завесці сямейную традыцыю заняткаў спортам, далучаць дзіця да хады на лыжах, катання на каньках, веласіпедзе, спартовых гульняў, плавання. Гуляючы з дзіцём, дарослыя павінны выхоўваць уменне падпарадкоўвацца агульнаму правілу, кантраляваць праявы эмоцый і паводзіны, фармаваць псіхалагічную ўстойлівасць да няпоспеху.
Здароўе чалавека суцэльна залежыць ад ладу яго жыцця, паводзінаў. Вось чаму так важна з маленства навучыць дзяцей ашчадна ставіцца да самога сябе, захоўваць, развіваць, памнажаць тое, што дадзена самой прыродай.

Цэтлікі (тэгі)

| расцем здаровыя |

julcik, 6.04.07 21:22

Адзнакі: 0.00/5.00 [0]

Няма каментараў да гэтага артыкула

Перайсці:

У артыкулах захаваны правапіс аўтара. Тэксты выкладзеныя ў азнаямленчых мэтах. Калі знаходжанне пэўнага тэксту ў нашай бібліятэцы парушае Вашыя аўтарскія правы - калі ласка, паведамце пра гэта па адрасе dzietki@gmail.com і мы тэрмінова прыбяром тэкст з сайту.
© "Нашыя дзеткі", 2006-2010. Усе правы абароненыя. Выкарыстанне матэрыялаў у камерцыйных мэтах ЗАБАРОНЕНАЕ. Пры некамерцыйным выкарыстанні матэрыялаў спасылка на сайт "Нашыя дзеткі" абавязковая.
Па ўсіх пытаннях лістуйце нам!